Nagrade za najbolje studentkinje i studente

Tradicionalno su i ove godine uručene nagrade najboljim studentkinjama i studentima Bijelog Polja.

Na listi nagrađenih studenata našli su se: Kristina Bulatović, Snežana Madžgalj, Enisa Trubljanin, Irena Madžgalj, Luka Marković, Aida Zulović, Anja Radović, Nataša Nišavić, Nikola Barać i Bojana Moračanin.

U ime nagrađenih studenata Irena Madžgalj se zahvalila i kazala da nagrada za najboljeg studenta nije samo odraz akademskog uspjeha, nego i simbol zajedništva, podrške, upornosti i veliki podstrek za sve nagrađene.

„Sa ponosom nosimo titulu najboljih studenata, ali smo svjesni da je pred nama odgovornost da doprinesemo napretku i razvoju našeg Bijelog Polja. Neka Bijelo Polje i dalje bude ponosno na nas, kao što smo i mi ponosni na njega“ istakla je Madžgalj.