Fudbaleri Jedinstva savladali su na svom terenu ekipu Petrovca rezultatom 1:0 u 7. kolu Prve crnogorske lige.
Nakon velikog boda protiv Budućnosti, pobjeda protiv Petrovca za fudbalere Jedinstva bila je imperativ.
Prvi ozbiljniji pokušaj imao je domaćin kada dobro šutirao Kolić, a golman gostiju krajnjim naporom spasio gol. Ipak u 19. minutu odličan prekid domaćih koristi kapiten Mušović za vođstvo.
Gosti su nakon primljenog gola u par navrata zaprijetili ali se istakao golman Rijad Džafić.
"Poslije dužeg vremena osvajamo bodove. Teška utakmica i za jedne i za druge. Ovoga puta mi smo slavili. Okrećemo se narednom meču", kazao je Džafić.
U nastavku, dominacija gostiju, ali prvu ozbiljniju priliku propustio je Čepić. Jedinstvo je mirno privelo utakmicu kraju i zasluženo osvojilo čitav plijen.
"Odlična utakmica za nas, naročito u prvom poluvremenu. Odigrali smo odlično protiv ekipe koja je prošle godine bila vicešampion. Sveli smo ovakvu ekipu da ne napravi nijednu ozbiljniju šansu. Moramo biti prezadovoljni ovom partijom i sada remi protiv Budućnosti dobija na značaju", kazao je trener Jedinstva Sead Babača.
Izvor i foto: Radio Bijelo Polje
.jpg)